E' una cantata per cantastorie, voce narrante, canto e chitarra, da me scritta per rievocare la storia millenaria del quartiere di Piscinola. Alcuni termini riportati sono prettamente locali appartenenti alla civiltà contadina piscinolese, come pure le varietà di alberi, frutta, ortaggi, cultivar e anche le conformazioni orografiche, menzionate in dialetto, sono tipiche di questo posto.
La cantata è stata rappresentata durante il maggio dei monumenti a Piscinola, in piazza G. Bernardino Tafuri, nel corso dell'edizione di "O_maggio a Piscinola", dell'anno 2012; la voce narrante è stata di Titty Pezzella (che qui rinnoviamo la sua memoria), mentre il canto e il suono della chitarra sono stati del maestro Ciro Cuomo, quest'ultimo autore anche dell'arrangiamento musicale.
Piscinula…,
si tu!
(La storia di
Piscinola per cantastorie)
(voce)
Chi sà da quanta
sècule si tu, Piscinula…!
Paisiello mio
piccerillo, strade chin’’e ggente,
Cu ‘sti casarelle, mezze scarrupate e scure,
Cu ‘sti casarelle, mezze scarrupate e scure,
Chi sà ‘a
quanno ‘o sole te scarfa e l’acqua te lava ‘e vie…!
(canto)
‘Nu munno ca gira e ca avota ‘a ghiurnata,
‘Na terra cu ‘e sciure, ‘e staggione e ‘o dimane,
‘Sta chiésa…, ‘sti ccase,
‘Stu popolo… che va’…!
(voce)
‘E Rumani ccà
sicuramente ‘nce so’ state,
E, primma ‘e ‘lloro,
n’atu popolo antico se fermaje!
Te facettene “terra
osca”, reggina d’’e campagne,
Cu piscine e
vasche d’acqua, t’ammantaste!
(canto)
Cu a terra zappata, ‘nzertata e sciuruta,
Cu ‘o grane mietuto e ‘o cannule spase,
Cu ‘o ppane…, cu ‘o vino,
‘Stu core…, te vo’…!
(voce)
Tiempo doppo,
mman’ ‘e Bizzantine,
Addivintasti ‘nu
bùvero, cu ‘nu principino!
Persino Belizario
te scigliette, vutata,
Pe’ fa crescere
a Napule, spupulata…!
(canto)
Pe’ strade sulagne, scure e astrignute…,
Pe’ viche, cu ‘e vasce e cu ‘e rotte annascuse,
Pe’ piazze, pe’ larghi,
‘Chist’uocchie, a vedè!
(voce)
‘E Normanni
te vulettene fa Casale,
E te dettene pari
dignità reale!
Addivintaste
cu ‘e stessi diritti d’’a città:
Senza tenè tante
tasse e gabbelle ‘a pavà…!
(canto)
‘Sta gente ca nasce, ca cresce e ca more,
‘Sti viecchie cu ‘a pippa, assettate pe’ strade,
‘Sti mamme, sti figli…,
Ammore…, chest’ è…!
(voce)
E’ Svevi, e ‘lli
Aragonesi, nun te cagnaine,
Sapenne ca nasceva
‘sta frutta genuine,
Zucosa,
ammatura, rossa ‘e bella…,
‘Nzieme ‘o grano,
l’uva cu ‘e nucella!!
(canto)
‘Stu cielo turchino, cu ‘o sole ‘a matina,
Sta luna d’argiento, cu ‘e stelle ‘e rubine,
Chest’aria, ‘stu viento…,
‘Sti vase…, pe’ te!
(voce)
(voce)
Ma ‘o Vicerè
spagnuolo, ‘ngrato e traditore,
‘Nce venette ‘ncape
e te vennere a ‘nu barone:
Nu viecchio ‘e
Cardite, brutto e ricco assaje…!
Ma ‘a genta
nun vulette, e cu ‘na culletta, pavaie…!
(canto)
Cu ‘a pace, cu ‘a guerra, cu ‘a famma e ‘o culera,
Nun c’è mai mancato ‘o core d’’a gente,
L’aiuto, ‘o calore,
‘O bbene, ca c’è!
(voce)
Persino cu
Masaniello ‘a gente toja vulette cumbattere:
Curreve ogni vota
ca senteve ‘e campane;
Faceva ‘e
battaglie e mureva, dicenno:
Viva ‘o Rre nuosto
e more ‘stu malu guverno!
(canto)
Pe’ terre, pe’ cupe, e pe’ strade ‘e carrette,
Pe’ pastene ‘e pèrzeche, ‘e prune e cerase,
Pe’’e cchiuppe, pe’ ‘e coste,
Che gioia è campà…!
(voce)
Nun passaje
tantu tiempo e venettero ‘e Rre Burbone:
Primma Nasone,
po’ Francischiello e po’ lli lazzarune!
Ma a vita po’
continuava sempe ‘a stessa:
‘Nu muorz’’è
pane, sudanno sette cammisa…!
(canto)
(canto)
Cu ‘e sciure e limone, d’arance ‘e giardine,
Cu mille prufumme e culure d’’a vita,
Cu ‘e ròse, cu ‘e vviole,
‘Stu suonne… cherè!?
(voce)
Po’ venettene
‘lli Francise, cu ‘e Giacubine,
E divintaste
Commune libertine…
Cu ‘nu sindeco,
ca cummanave e diceva sempe:
“Libertà,
uguaglianza, e simme frate’ tutti quante…!”
(canto)
(canto)
‘Sti rre, principini, sovrani e regnati,
‘Sti nobili, ricchi e persone importanti,
Conquiste, sopprusi…,
Nun c’è libertà…!
(voce)
Ma ‘stu suonno
duraje poco, cu Garibaldi e cu ‘lli Rre Savoia,
perdiste
tutte ‘e tesori ca tu tenive…;
‘A libertà e
‘a pace addiventajene sulo ‘nu ricordo amare!
Te
chiammavane “Villaggio”, ma ire divintata parte ‘e Napule
(canto)
(canto)
Te chiamme “paese”, “villaggio” o “quartiere”,
Pe’ mme si ‘na casa, ‘nu puòrto sicuro,
‘Na lòggia, ‘na stanza,
‘Nu pòsto d’ammore...!
..........
(pausa)
(pausa)
(voce)
Ancora oggi, stamm’’a cumbattere tutte ‘e iuorne,
Pe' fa turnà Piscinola ‘nu posto tranquillo…
Ancora oggi, stamm’’a cumbattere tutte ‘e iuorne,
Pe' fa turnà Piscinola ‘nu posto tranquillo…
Ma ‘a storia ccà
nun c’ha aiutate…! Pe’ niente…!
‘Nce resta ‘a sopraffazione d’’e malamente…!
(canto)
‘Nce resta ‘a sopraffazione d’’e malamente…!
(canto)
‘Stu tiempo ca passa, currenne, se scorde…,
Ca gènte vo’ vivere, vo’ crederce ancora…,
‘Nce crede, ‘nce spera…,
Pensamme a cagnà…!
‘Nce crede, ‘nce spera…,
‘Nce crede, ‘nce spera…,
Pensamme a cagnà…!!
(canto)
(canto)
‘Nu munno ca gira e ca avota ‘a ghiurnata,
‘Na terra cu e sciure, ‘e stagione e ‘o dimane,
‘Sta chiésa… 'sti case,
‘Stu popolo… che va’…!
Salvatore Fioretto
(“O_maggio a Piscinola”, maggio
2012)
